Адамның өмірінде ұмытылмас кезеңдер болады. Сондай  тарихи күн де келіп жетті. Биылғы жас түлектердің мектептің соңғы қоңырауы да соғылды. 41 мектеп бітірушілердің арасында ерекше орын алып жүрген оқушыларды атап өткім келеді. Бұл түлектер мемлекеттік тілдің жанашырлары, тілге деген қызығушылық білдіріп, мектепшілік, қалалық, облыстық және республикалық сайыстарға белсенді қатысып, жеңімпаз атанған түлектер. Атап айтсам- Берг Оля және Шнайдер Данила. Бұл балаларсыз мектеп шаралары, қалалық сайыстар өтпеген. Осы түлектер арқасында "Әй, жарайсың!", қалалық тіл сайысында мектеп командасы Бас жүлде және бірінші, екінші орындарға иеленген. Берг Ольга "Мың бала" атты сайысында жеңімпаз атанып, Елбасымен кездесуге де барып келді. Оля болсын, Данила болсын қатысқан шараларда мектеп жақсы орындарға иеленді. Сабақтарда, оқуларда, тестілеулерде де биік нәтижелер көрсеткен балалар. Ұстаз, ана ретінде шын жүректен алғыс білдіріп, ақ жол тілеймін. Өмірде қазақ тілін білгендері арқылы биік шындарға жете берсін. 5-сыныптан бастап оқытқан ұстаздарынан мың алғыс, ақ жол!

Қазақ тілі мен әдебиет мұғалімі: Г.Ж.Жүсіпова