Павлодар қаласының білім бөлімінің «Павлодар дарыны» жұмыспен қамту және балалар дарындылығын дамыту орталығы 2024 жылғы 19 қаңтарда мемлекеттік тілде оқытатын мектеп оқушылары арасында «Model United Nations» жобасын ұйымдастырды.

Жобаның негізгі мақсаты оқушылардың сыни ойлауын қалыптастыру және дамыту, дарынды балаларды қолдау үшін қажетті жағдайлар жасау болды.

Турнирге қаланың 19 мектебінен 30 оқушы қатысты. Жоба Brain ring форматында өткізілді: қатысушыларға берілген тақырыпқа эссе жазу және оны қорғау міндеті қойылды. Оқушылар экология, экономика және саясат саласында жақсы білім көрсетті.

«Сындарлы ой» номинациясы бойынша М.Әуезов ат. мектептің 8 А және 8 б сынып оқушылары Абиджанов Әділет және Зубаирова Аяжан 3 дәрежелі дипломмен марапатталды.

Жүлдегерлер «Павлодар дарыны» жұмыспен қамту және балалар дарындылығын дамыту орталығының дипломдарымен марапатталды. Жүлдегерлерді дайындаған балалар мен тарих пәнінің мұғалімі Абенова Айжан Бауыржановнаны құттықтаймыз!