Дарынды адам барлық жағынан дарынды! Біздің мұғалімдер өз пәндерін оқытып қана қоймай, оқушыларға таланттарын ашуға көмектеседі, сонымен қатар өздері де теңдесі жоқ шығармашылық қабілеттерге ие.

Мұхтар Әуезов атындағы мектебінің педагогтарын Қыпшақпаева Шолпан Ысқаққызы мен Сергалина Мадина Заркешқызын Халықаралық балаларды қорғау күніне арналған мереке күні Ertis Promenade сахнасында табысты өнер көрсетуімен құттықтаймыз!

Тарих пәнінің мұғалімі Ш.И. Қыпшақпаева отбасы мүшелерімен бірге «Алтын балалық шақ» онкүндігі аясында байқаудың іріктеу кезеңінен өтіп, «Ұрпақтан-ұрпаққа» атты әдемі дефилеге қатысты. Дефиледе Қыпшақпаевтар отбасының төрт ұрпағы ұсынылды.

Ағылшын тілі мұғалімі Сергалина М. З. Павлодар қаласының Мәдениет және тілдерді дамыту бөлімі ұйымдастырған «PVL Караоке» жобасына қатысты.

Шығармашылық көзқарасы мен белсенді өмірлік ұстанымы үшін екі мұғалім де 50 000 және 100 000 тенге ақшалай сертификаттармен және алғыс хаттармен марапатталды.