Мұхтар Әуезов атындағы мектепте Білім күніне арналған «Мектебім – мейірім мекені!» атты салтанатты жиын өтті.

Қыркүйектің бірінші күні мектеп табалдырығын алғаш аттаған ең кішкентай бүлдіршіндер мен мектеп бітіруші түлектер үшін нағыз мереке болды, өйткені олар ересек өмірге қадам аттағалы отыр.

Мектеп басшысы Гүлнар Тұяққызы Топанова ұстаздар қауымына, оқушыларға және көптеген қонақтарға жаңа оқу жылының жарқын, оқиғаларға толы, жаңашыл идеялар мен жетістіктерге толы болуын тілеп, жылы лебізін білдірді.

Ұстаздар мен оқушылардың орындауында әндер мен өлеңдер орындалған мерекелік концерт позитив пен қуанышқа толы күн болды!