Кенжекөл мектеп кітапханасының оқу залында Қазақстан Республикасының Тұңғыш Президенті күніне арналған «Тәуелсіздік және Тұңғыш Президент» кітап көрмесі ұйымдастырылды.Көрменің мақсаты-Тұңғыш Президенттің Тәуелсіз Қазақстанның қалыптасуы мен дамуы кезеңінде жүргізіп отырған саясатын, іскерлік қабілетін, мемлекет басшысы лауазымындағы жарқын болашаққа бағытталған еңбегін оқырмандар мен жас ұрпаққа жеткізу.Қазақстан Республикасының Тұңғыш Президенті күні-1 желтоқсанда атап өтілетін Қазақстандағы мемлекеттік мереке. Мереке күнін таңдаудың тарихи алғышарты мен негізі 1991 жылы 1 желтоқсанда болған оқиға. дәл осы күні 1991 жылы алғашқы бүкілхалықтық сайлау нәтижесінде Н.Назарбаев Қазақ КСР Президенті лауазымына сайланды. 1991 жылғы 10 желтоқсанда Президенттің алғашқы қадамдарының бірі Қазақ КСР-ін Қазақстан Республикасы деп қайта атау туралы Заңға қол қоюы болды. 1991 жылғы 16 желтоқсанда Жоғарғы Кеңес Қазақстанның мемлекеттік тәуелсіздігін жариялады, бұл Қазақстанның егемен мемлекет ретінде жариялануын білдірді. 2011 жылғы 10 желтоқсанда ҚР Парламенті Сенаты  «Қазақстан Республикасындағы мерекелер туралы» ҚР Заңына толықтырулар енгізу туралы» Заңды қабылдады. Құжатқа сәйкес 1 желтоқсан Тұңғыш Президент күні болып жарияланды. ҚР Тұңғыш Президенті күні Қазақстанның Тұңғыш Президентінің ерен еңбегін атап өту және мойындау мақсатында бекітілді. Сондай-ақ, мереке Тәуелсіз мемлекет құрған және 30 жыл бойы ел көшбасшысы болған Н.Назарбаевтың жетістіктерін тану мақсатында ұйымдастырылды. «(Тәуелсіздік және Тұңғыш Президент» кітап көрмесі Н.Ә.Назарбаевтың өмірбаяны мен қызметінің хроникасы беттерін қамтиды: металлургтен, қоғамдық және партия қайраткерінен саяси көшбасшыға дейінгі жол, сондай-ақ Тәуелсіз Қазақстанның қалыптасуы мен дамуының негізгі кезеңдерімен, ішкі және халықаралық аренадағы экономикалық және саяси жетістіктерімен, Президенттің тәуелсіз мемлекеттің дамуына қосқан үлесі мен еңбектерімен таныстырады.