Қазақстан Республикасы Тәуелсіздігінің 25 жылдығы қарсаңында №25 жалпы орта білім беру мектебінде Бірыңғай «Жас Ұлан» және «Жас қыран» балалар мен жасөспірімдер ұйымы Республикалық Қоғамдық Бірлестігінің қатарына мектептің 120 оқушыларын салтанатты түрде қабылдады.

«Жас Ұлан» ұйымына мүше болудың екі деңгейлі жүйесі бар. «Жас Қыран» төменгі буынына 1-4 сынып оқушылары, «Жас Ұланның» жоғары буынына 5-11 сыныптар қабылданады. «Жас Ұлан» ұйымына оқуда, қоғамдық жұмыстарда белсенділік танытып спорт пен өнер жағынан жақсы көріне білген оқушылар қабылданады.

«Жас Ұлан» балалар ұйымының рәміздері галстук, төсбелгі, эмблемасы болып табылады.

«Жас Ұландықтарға» төсбелгі және галстук тағу құрметі мектеп әкімшілігіне және жас Ұлан көшбасшыларына берілді. Жиынның ең жауапты сәті, ант тапсыру рәсімі «Жас Ұлан» ұйымы қатарына қабылданушы оқушыларымызға берілді. Ұйымға қабылданған оқушыларымызды мектеп директоры Бабыкова Гаухар Қабдырқызы өз Отанының – Қазақстан Республикасының патриоты болуға, «Жас Ұлан» Ережесін бұлжытпай сақтауға, үлкенге құрмет, кішіге ізет көрсетуге тілек білдірді. Құрметті «Жас Қырандықтар», мемлекетіміздің өсуі, өркендеуі сіздердің колдарынызда. Сіздерді ұйымға қабылдануларыңызбен шын жүректен құттықтаймыз.

ТЖДО А.Б. Каппасова