Қазақстан Республикасының 25-жылдық мерейтойына № 25 жалпы орта білім беру мектебінің талантты да дарынды оқушыларының орындауындағы 25 ән таспасының тұсау кесер рәсімі 13 желтоқсан күні өткізілді. «Тәуелсіздік, сен деп соғар жүрегім!» атты үнтаспаның рәсімін мектебіміздің ардагер ұстаздары Гафура Садыққызы мен Зәуреш Нәжмиденқызы жасады. Үнтаспадағы әндер Отан, мектеп, ата-ана, туған жер, Астана жайында болды. Бұл мектеп оқушыларының Жанұзақ Қорабайұлының жетекшілігімен Тәуелсіздікке арналған тартулары болып саналады.