![](/media/img/blogs/66a38bebb49b1.jpeg)
2024 жылдың 17-21 шілдесі аралығында Қарқаралының таулы жерлерінде "Қарқаралы – 2024" халықаралық спорттық бағдарлау турнирі өтті. Оларға Астана, Алматы, Орал, Қарағанды қалаларынан, Ресей Федерациясының қалаларынан 180-ден астам қатысушы қатысты. Павлодар облысының атынан 8 адамнан тұратын Кремер Сергей Владимировичтің басшылығымен "Вертикаль – 14" туристік клубының тәрбиеленушілері қатысты. Жарыс жас топтары бойынша әр түрлі ұзындықтағы 1-ден 15 шақырымға дейінгі бес қашықтық бойынша өтті. Бес қашықтықтың нәтижелері бойынша: "W18" тобында ІІ орынды Виткова Дарья және ІІІ орынды Комлева Анастасия, "М60" тобында ІІ орынды Кремер Сергей Владимирович иеленді. Тәрбиеленушілермен қатар ата-аналар да қатысты, сондықтан "МН" тобында Олег сегіз жасар қызымен бірге І орынды иеленді. Қатысушыларымызды тамаша нәтижелерімен құттықтаймыз, жаңа биіктерге жетуді тілейміз!