Шешен-ингуш педагогтары мен тәрбиеленушілері оқу  жылын   шығармашылық есеппен қорытындылады. Үш тілде өлең оқып, кіші, орта буын ансамбльдері ән мен билерін көрермендерге ұсынды. Кавказ өнерін сүйетін қауым өнерпаздарды жылы қошеметпен қолдап отырды. Ел арасындағы татулық пен келісім, қазақ елінің жомарттылығы мен мейірімділігі, жастар арасындағы достық - ең басты мақсат екенін басым айтып, ортақ мақсата бірге жетуге ұмтылатындарын да жеткізе алды. Ата - аналар ұстаздарына алғыстарын білдіріп, естелікке фотосуретке түсіп, қуанышты көңіл-күйде тарқасты.