8 балабақшаның дайындалған 20 нөмірі әділ - қазылар мен көрермендердің назарына паш етілді. Балабақшалар өте тиянақты және бар ынталарымен дайындалыпты. Балалар бар өнерлерін, таланттарын ортаға салды. Киімдері дайындалған нөмірлеріне сай, қанық түсті, ұлттық киімдері қандай тамаша! Қойылған сахналық көрініс те мағыналы, үлкендер ойнайтын рөлдерді кішкентай балалар да тамаша сомдап берді. Мың бұралған билер де, жеке айтылған әндер де, хордың орындауында айтылған әндер барлығы өзара үйлесімділік тапты. Балалардың өнерлерін бағалайтын осындай конкурстар бола берсін! Балалардың қадамдарына нұр бітсін, таланттарын шыңдай берсін!