Дене тәрбиесі нұсқаушысы Кочкина А.П. мен музыка жетекшісі Тючкалова Н.Н. өткізген бұл шара балалардың көңіл - күйлерін тағы да асқақтатып жіберді. Екі бөлікке бөлініп өткізіліп, барлық жастағы топтарды қамтамасыз етті. Алдымен естияр, ересек топтары, сосын тек дайындық топтарының арасында жарыс өткізілді. Балалар командалары "Жорғалаушылар", "Жабайы аңдар", "Шөппен қоректенетіндер" болып 3 топқа бөлінді. Әр топ өзінің әнұранын, қалай қоректенетінін, эмблемаларын жасап келіпті. Жарыс бойы әр команда сыйлыққа өздерінің жейтін тағамдарын алып отырды. Соған сай жеңген команда да тез анықталды. 1 жарыс: "Пингвиндер", 2 жарыс: "Жемістерді тереміз", 3 жарыс: "Кенгуру", 4 - би сәті "Зверобика", 5 жарыс: "Бананды үзіп ал", 6 жарыс: "Жыландар" деп аталды. Балалар барлық жарыстарды мүдірмей өтіп, джунглиде көңіл көтерді, оған музыка мен қолданылатын материалдар сай келді.