Күзгі тақырыпқа ақындар, суретшілер, сазгерлер әр түрлі көзқарастармен қарайды. Бірақ күз кімде кімді болсын өзіне немқұрайлы қарата алмайды. Оны ақындар  "Көздің жауы", "Сұрғылт сезім" десе, суретшілер басқаша көзбен қарап, жаңбырлы күннің де, сап-сары алтындай болған жердің де сұлулығын өзгеше етіп көрсете алады.  

Осындай күзгі сұлулықпен тамсанған соң біз де 9 қазан күні балалар суреттерінің көрмесін ұйымдастырдық. "Ормандағы күз" конкурсына ересек және мектепалды даярлық топтарының балалары қатысты. Конкурсқа күз тақырыбына суреттер қабылданды. Балалар өз шеберліктерін көрсете білді. Көптеген суреттерді дәстүрден тыс әдіспен салғандықтан, көрме әдемі, көз тартарлықтай болып шықты және вернисажымыздың ажарын ашты.