Біздің балабақшада 2015 жылдың 27 қазанында «Мың бала» конкурсына бірінші іріктеуші кезеңі өтті. Конкурсқа өзге ұлт өкілдері балалары қатысты. Балалар мемлекеттік тілде өзі туралы, балабақша туралы әңгімеледі, өлең оқыды, ән шырқады. Конкурсқа қатысушылар Павлодар облысы Қазақстан халқы ассамблеясының, Павлодар облысы әкімі аппаратының алғыс хатымен марапатталды. Облыстық кезеңге жолдаманы даярлық тобының тәрбиеленушісі Бачарникова Мария алды. Конкурсқа қатысушыларды дайындауға үлкен үлесін қосқаны үшін қазақ тілі мұғалімі Шмидт Айтжамал Шорманқызына және ән-күй жетекшісі Эйвазова Лариса Николаевнаға балабақша әкімшілігі шын жүректен өз алғыстарын білдірді.