Қ.Бекқожин атындағы №12 жалпы орта білім беру мектебі 1960 жылы ашылды. Мектеп алғашында таза орыс мектебі болды. Мектепте 1961-1973жылдары Сухова Анна Григорьевна, 1973-1985 жылдары аралығында Ахметов Жұмабай Ахметұлы, 1985-1999 жылдар аралығында Сипий Юрий Иванович, 1999-2005 жылдар аралығында Жақанов Нұржан Жақанұлы директоры қызметін атқарды. 2005-жылдан бастап директоры қызметін Смагулова Майкен Қалымқызы атқаруда. 1990 жылдан бастап аралас мектеп болды. 1996 жылы 3 сәуіріндегі №384 мемлекеттік қаулысы бойынша жерлес ақын, жазушы Қалижан Бекқожин Нұрғожаұлының есімі берілді. Мектеп Павлодар қаласындағы Щедрин көшесіндегі 60 үйде орналасқан телефоны: 50-06-86. Ал, 2004 жылдан бастап мектеп мемлекеттік тілде білім береді.

Мектепте оқу ғимараты 1-еу, 2 спорт зал, 1 шеберхана, 1 қызмет көрсету кабинеті, 1 алғашқы әскери дайындық кабинеті, 1 тир, 1 асхана, 2 компьютерлік кабинет, 1 би залы, 1 ән-күй залы, 1 кітапхана, 3 медицина кабинеті, 1 спорт стадионы және «Қалижантану» орталығы және мәжіліс залы қызмет көрсетеді.