Түлектерді жиі мазалайтын сұрақтар
Кім боламын? Қай салада маман тапшы? Қайда оқуға түсуге болады? Бұл – жыл сайын түлектердің көкейін тесетін сұрақтар. Әрине, әркімнің де 11 жыл оқыған білімін зая кетірмей, алдыңғы қатарлы ЖОО-да оқып, сұранысқа ие маман иесі атанғысы келеді. Олай болса, біз көптеген түлектің санасын мазалап жүрген бірнеше сұраққа жауап беруге тырысып көрдік…
Қай салада маман тапшы?
А) Қазіргі кезде жаңа технология саласында технолог, газ-мұнай саласындағы инженерлер, құрылыс мамандарын дайындауға көп көңіл бөлінуде.
Ә) Білім беру жүйесінде ағылшын тілі, информатика, дінтану, мәдениеттану пәндерінің мұғалімдері, жоғары оқу орындарының оқытушылары тапшы.
Б) Жалпы ауыл шаруашылығы саласында агроном, ветеринар, фермер, селекционер, агроном, агроинженерлер жетіспейді.
В) Авиация саласындағы ең қажетті мамандар: астронавтар, зерттеуші ғарышкерлер, ғарышкер-сынақшылар.
Г) Химиялық өнеркәсібінде сұранысы жоғары мамандар: технологтар, мұнай зерттеушілері, биоинженерлер мен биотехнологтер.
Ғ) Басқару саласында УТ-менеджерлер мен УТ-мамандар, техникалық, экономикалық және заңгерлік білімдері ұштасқан инженерлер, жер-жерде құрылыстың өсуіне байланысты кең профильді құрылысшы мамандар да керек.
Д)Техникалық салада металлургтер, энергетиктер, радиотехниктер мен телекоммуникациялық қызмет көрсету мамандары сұранысқа ие.
Қазақстан Республикасының жоғары оқу орындарының тізімі
| № | ЖОО атауы | Орналасқан жері | Сайты |
| 1 | Әл-Фараби атындағы Қазақ ұлттық университеті | Алматы | http://www.kaznu.kz |
| 2 | Л.Н. Гумилев атындағы Еуразия ұлттық университеті | Астана | http://www.enu.kz |
| 3 | Қ.И.Сәтпаев атындағы Қазақ ұлттық техникалық университеті | Алматы | http://www.kazntu.kz |
| 4 | Абай атындағы Қазақ Ұлттық педагогикалық университеті | Алматы | http://www.kaznpu.kz |
| 5 | Назарбаев Университеті | Астана | http://rus.nu.edu.kz |
| 6 | Құрманғазы атындағы Қазақ ұлттық академиясы | Алматы | http://www.conservatoire.kz |
| 7 | Қазақ ұлттық өнер университеті | Астана | http://www.kazuniart.com |
| 8 | Павлодар мемлекеттік педагогикалық институты | Павлодар | http://www.ppi.kz/ |
| 9 | С.Торайғыров атындағы Павлодар мемлекеттік университеті | Павлодар | http://www.psu.kz |
| 10 | Астана медицина университеті | Астана | www.amu.kz |
| 11 | Азаматтық авиация академиясы | Алматы | www.agakaz.kz |
| 12 | Алматы энергетика және байланыс институты | Алматы | www.aipet.kz |
| 13 | Семей мемлекеттік медициналық академиясы | Семей | www.sgma.kz |
| 14 | Атырау мұнай және газ институты | Атырау | http://www.ainig.kz |
| 15 | Халықаралық ақпараттық технологиялар университеті | Алматы | www.iitu.kz |
