Мектеп тарихы

1 май көшесі 33 мекенжайы бойынша орналасқан музыкалық аспаптар сабақтарына арналған үлкен, мамандандырылған ғимарат көптеген павлодарлықтарға белгілі.    Бұл – 2013 жылы 70 жыл толған Құрманғазы атындағы № 1 балалар музыка мектебі. Мектеп қаладағы ескі мекеме, мұнда 1943 жылғы 17 желтоқсаннан Павлодар облысының кәсіби музыкалық білім беруді дамыту басталған.

№ 1 Павлодар балалар музыка мектебі Ұлы Отан соғысы қызған кезде ашылған. Қоршаудағы Ленинградтан көшірілген әнші Антонина Александровна Смирнова, Мәскеу консерваториясының педагогы, музыкатанушы Гита Абрамовна Балтер ашуға бастамашылдық танытты.

Мектеп филармония ғимаратына орналастырылды. Педагогикалық ұжым бірнеше адамнан тұрды: Г.А. Балтер,    Э.И. Купфер, В.П. Веришко,                  В.М. Антонова. Оқыту вокал және фортепиано бағытында өтті. 5 жылдан соң Г.Э. Кромер және Ф.Д. Сергиенконың көшіп келуіне байланысты, тағы скрипка және баян қосылды. Бұдан соң, мектеп бүгінгі күні өлкетану мұражайы орналасқан ғимаратқа көшіп, онда 3 сынып болды. Мектепте 2 фортепиано ғана.

1949 жылы музыка мектебіне Луначарского көшесі, 4 мекенжайы бойынша орналасқан тұрғын жайды берді, мұнда 1980 жылға дейін болды. Сол жылдары мектеп қала және облыстың бір ғана музыкалық орталығы болып, жұртшылық арасында үлкен беделге ие болды.

 1949 жылдың басында мектеп ұжымы Павлодар қаласының тұрғындары үшін музыкалық дәріс ұйымдастырған болатын. Г.А. Балтер, Г.Э. Кромер, В.М. Антонова,   Ф.Д. Сергиенко, Л.Г. Бек секілді педагогтармен қатар, Г.О. Гейне де әуесқой белсенді қатысушы болды.

1950 жылы екі сынып кабинетін біріктіріп, 80 орындық кішігірім зал жасады. Ол музыка сүйер қауымға ұнап, кейін кішкентай ғана МХАТ деп аталды.

1955 жылы Г.А. Балтер Павлодардан Мәскеуге кетеді. Ол мектепке бай мұра қалдырды: жылдар бойы шыңдалған мықты педагогикалық ұжым, мектептің тұрғындар арасында үлкен танымалдылығы мен беделі.    Гита Абрамовнаның қаламыздағы музыка мәдениетінің қалыптасуына қосқан үлесі зор.

Г.А. Балтердің ізбасары Г.Э. Кромер болды. Гильда Эрнстовна қалыптасқан дәстүрді бұзбай, жалғастыра келе, облыста алғаш болып, домбыра және қобыз сыныбын ашып, осы аспаптарда оқуды өзі жүргізді.

1959 жылдан 1965 жылдар аралығында мектеп директоры Павлодар музыка училищесінің алғашқы түлегі, Ұлы Отан соғысының ардагері А.П. Перерва болды. Замандастарының айтуынша, жаны таза, ешқандай да еңбектен қорықпайтын адамдарға қолдау білдірген. Білім беру қызметі, шаруашылық іс, аспаптар, қажетті мүкәммалдар оның қатысуынсыз сатып алынбайтын.

1959 жылы Г.Э. Кромердің бастамасымен Павлодар қаласында П.И. Чайковский атындағы музыкалық училище ашылған болатын. Алғашқы музыка мектебі оқушылардың айтарлықтай контингенті және мықты педагогикалық ұжымның пайда болуына негіз болды. Мектептің педагогтары мен түлектері училище оқытушылары болды. Олар –     А.Н. Фрейндт, Л.А. Свешникова, А.А. Меттус, Э.Е. Кромер, Г.В. Шаляпина,                  Е.Ф. Данилова, А.И. Творогов, И.Г. Осипян, З.Г. Басалаева.

1965 жылдан 1970 жылдар аралығында Л.П. Малининамектеп директоры болды. Ол пікірлес ұжыммен музыка мәдениетін насихаттау жөнінде үлкен жұмыс атқарды. Қаланың музыка мәдениетінің дамуына еңбек ардагерлері Ф.Д. Сергиенко, Куфпер – Э.И. Сергиенко, О.П. Степанова, А.П. Перерва, В.И. Ботов үлкен үлес қосты.

1970 жылы мектеп директоры болып М.М. Дубинская тағайындалды. Осы жылдары мектеп оқушыларының контингенті өсті. Онда 650 оқушы фортепиано, баян, аккордеон, скрипка, виолончель, домбыра, домра, ксилофон, труба, флейта, кларнет, гитара аспаптарында білім алды.

Жыл сайын мектепті 60-тан аса оқушы аяқтап, көбі музыканы өз кәсібі ретінде таңдады. Осылайша, ардагерлер өз шеберлігін жеткізе білген 70-80 жылдардың педагог ұрпағы өсті: И.В. Бовт, И.Н. Эмих, А.М. Родичкина, Т.И. Кузина, Т.В. Лущенкова, М.Н. Пульга, Б.Г. Тиссен, А.И. Федосеева, Н.И. Родионова, В.К. Лукьянов, В.В. Чугай, Т.А. Ботова, Г.П. Анискевич, Е.Я. Гуйо.

Жыл өткен сайын мектеп нығая түсті, мұнда төрт филиал ашылды: Екібастұз қаласында бір және Павлодар қаласында үш. Мектепте музыкантшылар ұжымы қалыптастырылған болатын: жас музыкантшылар конкурсының республикалық байқау лауреаты атанған орыс халық аспаптарының оркестрі (жетекші Г.А. Будковский); ішекті аспаптар оркестрі (жетекші Б.Г. Тиссен); қазақ халық аспаптарының оркестрі (жетекші М.Б. Кентаев).

1981 жылғы 27 қаңтарда № 1 балалар музыка мектебі қазіргі уақыттағы жаңа үлгілік ғимаратқа орналасты.

Мұнда шығармашылық жұмыс үшін барлық жағдай жасалып, мектепті Павлодар қаласының мәдени орталығы етуге мүмкіндік пайда болды. Бүгінгі күні мектеп қабырғасынан 3385 түлек бітіріп шығып, олардың көбі өзін музыкамен мәңгіге байланыстырды.

№ 1 БММ көп бітірушісі республикалық және әлемдік музыка мәдениетін дамытуға елеулі үлес қосты. Қызмет еткен әр жылдары мектеп қабырғасынан Қазақстан композиторлары одағының мүшесі Ю. Бычков,Қазақстан композиторлары одағының мүшесіА. Меттус, Минск консерваториясының профессоры Г. Кулешова, Алматы консерваториясының профессоры С. Костевич, композитор, әнші, Қазақстан жастары премиясының лауреаты, «Айналайын» әнұранының авторы Ж.Колмогорова, «Русские узоры» ансамблінің жетекшісі В. Кузнецов және т.б.

№ 1 балалар музыка мектебін әр жылдары басқарғандар:

1943ж.-1955ж. –Гита Абрамовна Балтер

1955ж.-1959ж. –Гильда Эрнестовна Кромер

1959ж.-1965ж. –Алексей Петрович Перерва

1965ж.-1970ж. –Людмила Петровна Малинина

1970ж.-1986ж. –Мария МихайловнаДубинская

1986ж.-1987ж. –Дуйсен Укибаевич Жибитаев

1987ж.-1996ж. –Нелли Яковлевна Монакова

1996ж.-2009ж. –Евгения ЯковлевнаГуйо

2009ж.- бүгінгі күнге дейін–Ольга Леонидовна Бобровская.

Мектептің дамуы, оқу және шығармашылық үдерісті ұйымдастырудағы үлкен роль әр кезде орынбасарларға тиесілі болды. Әр жылдары осы қызметте еңбек еткендер Алексей Петрович Перерва, Ирина Григорьевна Осипян, Нелли Яковлевна Брехт, Татьяна Васильевна Лущенкова, Елена Геннадьевна Леваева, Евгения Николаевна Прокопенко,Алтынай Нурумжановна Акимханова.

Қазіргі уақытта № 1 БММ педагогикалық құрамы – бұл пікірлес-кәсіби, жоғары білікті мамандардың ұжымы. Олардың арасында: Абжанова Г.А., Андрющенко А.А., Акимханова А.Н., Бахмат С.А., Бобровская О.Л., Валеева И.В., Гагарина О.В., Гонтовой О.Л., Гуйо Е.Я., Ерисова Н.В., Ермекбаев К.М., Иванова С.В., Зверева М.Б., Кабурнеева Н.Г., Казаченкова С.Н., Лысова Е.М., Кайшанов Н.Б., Камкина С.С., Кощук Э.Г., Краснощекова И.Л., Кузякин И.В., Макаров К.С., Масленников Д.С., Миронец К.В., Михайлова И.В., Мусатаева А.Т., Непша Т.В., Попова Е. А., Прокопенко Е.Н., Рябовол С.Л., Сазонов Е.Н., Тарасенко Е.М., Тезекбаева Г.З., Якшова Н.Д., Яловцева Т.В. және т.б. Олар табиғатынан әр бала жанына ұялаған мүмкіндік пен шығармашылықты дамыту үшін қолайлы жағдай жасайды.

Бүгінгі күні мектеп жоғары шығармашылық деңгей және әр жылғы тәжірибе жетістіктерінің жаңа кезеңіне өтті. Жаңалыққа, келешекке ұмтылу бұл мектепте әрдайым болатын.