Павлодар қаласының №24 ЖОМ-нің 11 сынып оқушысы Серикова Аяулым тоғызқұмалақтан республикалық жарыстарда тағы біррет жүлделі орынға ие болды. Ол республикалық команданың құрамында қатысты. Жарыстың ұйымдастырушысы Қазақстан Республикасы Мәдениет және спорт министрлігінің Дене шынықтыру және спорт комитеті.

  Жарыс қорытындылары бойынша ІІ орын иеленді және күміс медальмен, кубокпен, Қазақстан Республикасы Мәдениет және спорт министрлігінің дипломымен марапатталды.

  Аяулым тоғызқұмалақтан көп дүркін чемпионы, 15 әртүрлі дәрежелі медальдардың иегері, соның ішінде 6 алтын, 5 күміс, 4 қола. 2019 жылы Нұр-Сұлтан, Қызылорда қалаларында өткен халықаралық турнирлерде алтын медальдар иеленді. Тоғызқұмалақпен 7 жасынан айналысады, Жоғары спорт шеберлігі мектебіндегі оның жаттықтырушылары халықаралық дәрежедегі спорт шебері Арыстан Исатайұлы Қапаев және мектептің дене шынықтыру мұғалімі Данагуль Манарбек.

  Мектепте оқу үлгерімі жақсы. Қазіргі таңда ҰБТ-ға дайындалуда. Бейінді пәндер ретінде ағылшын тілі мен географияны таңдап алды. Мектепті аяқтағаннан кейін Гумилев атындағы Еуразия Ұлттық университетінің туризм мамандығына түсуді жоспарлауда.