29 қараша сағат 10.00-де. Қ. Бекхожин атындағы мектепте Павлодар қаласының білім бөлімінің «Павлодар дарыны» бос уақытты  қамту және балалардың дарындылығын дамыту орталығымен «Мақатаев оқулары» республикалық байқауының қалалық кезеңі  өткізіледі.

        Байқаудың мақсаты - поэзияға деген қызығушылықты қалыптастыру, өз ойларын ғылыми тұрғыда дәйекті түрде жеткізе білу қабілетінде өз білімін сынау, қазақ көркем әдебиетін оқуға баулу.

         7 - 11 сынып оқушылары, мектеп кезеңінің жеңімпаздары қатысады. Оқулар үш номинация бойынша өтеді: «Айтып өткен  ақында арман бар ма?», «Жыр эстафетасы», «Көкірегімде жыр сәулесі маздайды...».

         Байқау қорытындысы бойынша жеңімпаздар мен жүлдегерлер Павлодар қаласының білім бөлімінің I, II, III дәрежелі дипломдарымен марапатталады. Қалалық оқу кезеңінің жеңімпаздары байқаудың облыстық кезеңіне қатысады.

Павлодар қаласының білім бөлімі