Шынықтырудың ең тиімді құралы – ауа, күннің көзі мен су. Шынықтырудың ең пәрменді түрі суды пайдалану. Суда жүзу өмірде өте қажет.
   
     Су алабындағы өткізілетін сабаққа балалар бас медбикенің күнделікті медициналық байқауынан кейін ғана қатыса алады.      
   
Жүзу спорттың бір түрі ретінде, балалар денсаулығының оңалуына тиімді әсерін тигізеді. Жүзу ағзаны шынықтырып, қоршаған ортадағы әр түрлі жағдайларға тезірек бейімделуге көмектеседі. Ол – жүрек тамырының дұрыс жұмыс істеуіне әсерін тигізіп,тыныс мүшелерiнiң дамуына мүмкiндiк туғызады.
  
Жүзу сабағының тәрбиелік мәні өте зор.Онда балаларды батылдыққа, салмақтылыққа, талап қойылған қағидаларды орындауға, бір – біріне көмектесуге даяр болуға, бір ұжымда іс атқаруға дайын болуға бейімдейді. Бала кезіндегі жүзуге үйренуі, өмір бойы бойында сақталып қалады.
  
Жүзуге үйрету кезіндегі алдымызға қойған мақсатымыз, балалардың денсаулығын нығайту,суда сенiмдi және қорықпай ұсталуға және жүзудің бастапқы дағдыларын бойына сіңіру.