Жаңа жыл, Жаңа жыл!

Қош келдің тағы да.

Дайындап жаңа жыр-

Біз күттік сағына,

Қуанатын шақ болсын,

Дастарқанға ақ толсын,

Бізге келген Жаңа жыл,

Құт береке, бақ берсін!

Павлодар қаласының №10 сәбилер бақшасында Жаңа жыл мерекесіне арналған ертеңгіліктер өтті. Ертеңгілік барлық топтарда,атап айтқанда 1 сәбилер, 2 сәбилер, естияр, ересек және даярлық топтарында өткізілді .Тәрбиленушілерге арналған ертеңгіліктер өте қызықты, тартымды, мазмұнды болды. Көңілді қылжақбастар, түлкі, қарханымы, тиын, жыл иесі - қоян, жалмауыз кемпір сынды кейіпкерлер белсене қатысып өздеріне тиісті рөлдерін тамаша ойнады. Аяз ата мен Ақшақардың орны балалар үшін өте маңызды болғандықтан балалар тамсанып, қуана-қуана, шын, көтерңкі көңіл- күймен қарсы алып, ұйымдастырылған ойындарға да белсене қатысты.

Ересек, даярлық топтарының ертеңгіліктері балалардың естерінде ұзақ уақыт бойы сақталатынына сенімдіміз. Даярлық «Б» тобының ертеңгілігін ерекше атап өтуге болады. Тәрбиеші Торғын Құдайбергенқызы Хамитова өзінің тәрбиеленушілерімен Жаңа жыл мерекесіне арналған ертеңгілікті жоғары деңгейде көрсете алды. Ертеңгілікке топтың барлық балалары қатысып, дайындаған өлең , тақпақтарын паш етті. Сонымен бірге ағылшын тілінде «Шырша жыры» айтылып, ағылшын тілінде «Ұлпақарлар » атты ойын ойналды. Бұл топтың биші қыздары «Сыған» биін де мың бұрала билеп берді.

Жаңа Жылдық мерекеге ата-аналар да , қызыға- қызыға қатысты. Аяз ата мен Ақшақармен «Пима», «Шаңғы тебу» ойындарын ойнап, көңілдерін көтерді. «Жалмауыз кемпірдің таяғының» астынан өту ойынына да, балалармен бірге белсене қатысып, көңілден шықты.

Ата- аналар ұжымы өз алғыстарын айтып, жылы лебіздерін білдірді.