«Ертіс  дарыны» өңірлік қосымша білім беру оқу-әдістемелік орталығы Торайғыров университетімен бірлесіп 2022 жылғы 18 қарашада 9-11 сынып оқушылары арасында көптілділіктен облыстық олимпиада өткізді, оған Павлодар қаласының   мектептерінен 4 оқушы қатысты.

Олимпиаданың  мақсаты   мектептегі көптілді үздіксіз білім беру жағдайында интеллектуалды көпмәдениетті тұлғаны қалыптастыру; оқушылардың қазақ, орыс және шет тілдерін үйренуге деген ынтасын арттыру.

Олимпиада қорытындысы бойынша III дәрежелі дипломмен М.Жүсіп  атындағы орта мектептің 9 сынып оқушысы Айым Исаханова және  № 35 орта мектептің 9 сынып оқушысы Шоман Абылайхан марапатталды.  Құрмет грамотасымен Павлодар қаласының № 24 орта мектебінің 11 сынып оқушысы Шамшит Айша марапатталды.