Павлодар қаласы білім бөлімінің «Павлодар дарыны» бос уақытты қамту және балалардың дарындылығын дамыту орталығымен  ағымдағы жылдың 5 сәуірінде № 35 жалпы орта білім беру мектебінде мектепке дейінгі мекемелердің даярлық топтарының балаларына арналған «Жауқазын» облыстық олимпиадасының қалалық кезеңі өткізілді.

Олимпиаданың мақсаты интеллектуалдық қабілеті жоғары дарынды және  ересек мектеп жасына дейінгі балаларды анықтау және қолдау болып табылады.

Олимпиадаға 74 мектепке дейінгі ұйымдардан және жалпы білім беретін мектептердің 12 мектепалды даярлық тобынан (сыныптарынан) 165 оқушы қатысты.

Олимпиада қорытындысы бойынша 55 қатысушы жүлделі орындарға ие болды, оның ішінде I орын - 4, II орын - 18, III орын – 33 оқушы. Қалған қатысушылардың жетістіктері «Алға балауса», «Ойшыл балдырған», «Зерек бүлдіршін» номинацияларымен марапатталды.

Байқаудың жеңімпаздары мен жүлдегерлері білім бөлімінің I, II, III дәрежелі дипломдарымен марапатталды, 2023 жылдың 13 сәуірінде  «Жауқазын» олимпиадасының облыстық турына қатысады .