2023 жылғы 4 мамырда  М. М. Катаев ат. оқушылар сарайында «Күй шебері» облыстық жас күйшілер байқауы өтті.

Іс-шара «Бастау Fest-2023» балалар - жасөспірімдер шығармашылығы фестивалі аясында өтуде. Аталған фестиваль екі бағытты қамтиды: облыс мектептерінің оқушылары үшін – «Жас өркен» балалар шығармашылығы фестивалі; облыс колледждерінің студенттері үшін – «Өрен» студент жастардың шығармашылық фестивалі.

Конкурстың мақсаты оқушылар мен жастарды оқудан тыс бос уақытын  қамту үшін жағдай жасау, оқушыларды шығармашылық өсуді өз бетінше жоспарлау дағдыларына үйрету, облыстың білім беру ұйымдарының көркемдік-эстетикалық тәрбие бағытын жетілдіру болып табылады.

Байқау ережесіне сәйкес жас күйшілер қазақ халық музыканты Құрманғазы Сағырбайұлының «Адай», «Сары-арқа» шығармаларын және шертпе стиліндегі туындыны өз таңдауларымен  дайындау керек. Жас музыканттар Нұрғиса Тілендиевтің «Әлкисса», Сәкен Тұрысбековтің «Ақ  жауын» және «Көңіл толқыны», "Балбырауын" және т.б. шығармаларын ойнады.

Облыстық байқауда № 21 орта мектеп пен Ж. Тәшенев атындағы мектептің екі оқушысы қала намысын қорғады.

Конкурс қорытындысы бойынша І дәрежелі дипломмен № 21 орта мектептің 8 сынып оқушысы Хамит Ниязбек марапатталды, ІІІ дәрежелі дипломмен Ж. Тәшенев атындағы орта мектептің 9 сынып оқушысы Төлешев Құсайын марапатталды.

Жас күйшілерді жеңісімен құттықтаймыз!