Қазан айының 19 күні «Павлодар дарыны» бос уақытты қамту және балалардың дарындылығын дамыту ортылығында Республика күнін мерекелеу аясында «Тәуелсіз Қазақстанның  жетістіктері мен болашаққа жоспары» атты қалалық пікірсайыс турнирі өтті.

Турнирге  қала мектептерінен 32 команда 64 оқушы қатысып әлеуметтік, білім және саяси тақырыптарды талқылады.

Турнирге төреші ретінде пікірсайыс мектебінің түлектері Бейсембина Салима және Жаскайратова Аяулым қатысты. Сонымен қатар Екібастұз қаласының «Қайнар» орталығының пікірсайыс жетекшісі Сланбек Елемес төрелік етті.

Турнир қорытындысы бойынша 1 дәрежелі дипломмен №40 мектептің «Жаңа көзқарас» командасы марапатталды. 2 дәрежелі дипломмен Ж. Тәшенов ат. мектептің «Тарлан» командасы, ал 3 дәрежелі дипломмен №14 мектептің «Мұстафа» командасы марапатталды.

«Үздік спикер» номинациясымен №7 мектептің 11 сынып оқушысы Социал Гаухар марапатталды.