«Жаз - 2024» кешенді бағдарламасы аясында Павлодар қаласы білім беру бөлімінің, «Павлодар дарыны» бос уақытты қамту және балалардың дарындылығын дамыту орталығының ұйымдастыруымен 2024 жылғы 1 шілде – 23 тамыз аралығында мектептердің, мектепке дейінгі және мектептен тыс мекемелердің педагог қызметкерлеріне арналған 3 кезеңнен құралған «BOOK BATTLE MUGALIM» қалалық байқауы өткізілді.

Мақсаты: оқу мәдениетін дамыту және қолдау, мұғалімдер арасында әдебиеттің үздік туындыларын кеңінен насихаттау, кітаптарды жаппай оқуға тарту, әртүрлі бағыттағы, жанрдағы кітаптарды насихаттау, мұғалімдер қауымдастығында оқылған нәрселер туралы пікір алмасуды ұйымдастыру.

Байқауға 70 педагог қатысып, 2 кезеңге 18 педагог іріктелді. Соңғы 3 кезеңге 10 педагог өтті.

Жеңімпаздар мен жүлдегерлер Павлодар қаласының білім беру бөлімінің I, II, III дәрежелі дипломдарымен марапатталады.

Жеңімпаздар мен жүлдегерлерді 6 қыркүйек сағат 12.00-де, №7 мектебіне шақырамыз.