Павлодар қаласының №30 жалпы орта білім беру мектебінде «Балалар мен жасөспірімдердің жазғы демалыс кезінде сауықтырылуы, бос уақыттарын ұйымдастыруды қамтамасыз етудің тиімді жолдары» тақырыбындағы облыстық семинар өтті. Семинар-кеңесі мектептің оқу-материалдық базасымен таныстыруымен ашылды. А.Қ. Макишева, тәрбие ісінің орынбасары «Балалар мен жасөспірімдердің жазғы демалыс кезінде сауықтырылуы, бос уақыттарын ұйымдастыруды қамтамасыз етудің тиімді жолдары» атты баяндаманы оқыды. Қ.Қ. Жетпісова, педагог-ұйымдастырушы «Жазғы уақыттағы оқушылардың жұмысбастылығын ұйымдастырудағы педагог-ұйымдастырушының рөлі» атты баяндамасын оқыды. Семинардың бағдарламасы бойынша оқылған баяндамаларынан кейін, шақырылған қонақтарымыз «Ақ көгершін» бейіндік лагерінің қорытынды іс-шарасын тамашалауға шақырылды. Семинар «Балдаурен» лагерінің I кезеңінің салтанатты жабылуымен аяқталды.