Қазіргі кезде жас ұрпаққа заман талаптарына сай білім және тәрбие беру, оларды жан-жақты дамыту — мұғалімдер алдында тұрған басты міндеттердің бірі. Осы мақсатта желтоқсанның 26 жұлдызында Павлодар қаласының №37 жалпы орта білім беру мектебінің 3 «В» сыныбында дүниетану пәнінен «Денелер. Заттар. Табиғаттағы құбылыстар» атты сабақ өтті. Сабақта заман талабына сай, түрлі стратегиялар мен әдістер қолданылды. Берілген тапсырмалар арқылы оқушылар сабақтың тақырыбы мен мақсатын өздері анықтап, оны дәлелдеп қорытындылай білді. Оқушылардың сөйлеу, ойлау қабілеттерін арттыру мақсатында сыни тұрғысынан ойлау стратегиялары қолданылды. Олар: «Топтастыру», «Миға шабуыл», «Кластер», «Аралдар әдісі» т.б арқылы кері байланыс орнатылды. Нәтижесінде оқушылардың сабаққа деген қызығушылықтары артып, топтық жұмысқа белсенді қатысып, тапсырмаларды қызығушылықпен орындады.