М.М.Катаев атындағы облыстық Оқушылар Сарайында Қазақстан Республикасының 25-жылдығына арналған «Ел болашағы жастардың қолында» атты VIII-ші облыстық балалар мен жасөспірімдердің Құрылтайы өткізілді. Құрылтайға облыстың барлық ауданынан 400-ден астам адам қатысты.

Құрылтайға біздің мектебіміздің аға тәлімгері Айдана Баязитованың жетекшілігімен 9-сынып оқушылары Индира Абдыгалыкова, Адель Құттыбаева, Азиза Кабышева, Рахима Садартинова қатысты.

Құрылтай шеңберінде «Достарды қарсы аламыз» және «Біз біргеміз» акциялары өтті. Үлкен залдың фойесінде «Мәңгілік ел ұландары» атты қала мектептері көшбасшыларының фотосуреттері ілінді. Кіші залда «Табысқа апарар жол» атты ток-шоу болды.

Бұл күн облыстық жобалардың жеңімпаздарын марапаттау және мерекелік концертпен аяқталды.