Тәуелсіздік.

Тәуелсізбін мен бүгін,

Келді, міне азаттығым, теңдігім.

Бостандықта байлығым мен ендігім,

Шешіл енді шемен болған шерлі үнім!

Өзіңдікі -Елің де,

Өзіңдікі – Жерің де

Өзіңдікі өзің еткен

Бақ- Тәуелсіздік төріңде!

Қазақстан Республикасы Тәуелсіздігінің 25 жылдығына орай № 37 жалпы орта білім беру мектебінде 5-11 сыныптарға арналған «Ұлы дала еліне 25 жыл» атты әдеби-музыкалық кеш өткізілді. Шараның мақсаты Тәуелсіздіктің 25 жылдық тарихын сараптап, жас жеткеншіктің өз Отанына деген мақтаныш сезімін ұялату, патриоттық рухын демеу болды. Сахнада тарихи, қазіргі Қазақстанның дамуын көрсететін бейнежазба көрсетілді. Оқушылар туған жер, Қазақстан туралы патриоттық өлеңдер, прозалық шығармаларды ерекше сезіммен оқыды. Әннің әуелеген үні сезімдерімізді шарпып, рухымызға дем берді. Кешке жауапты 7-сынып оқушылары мен сынып жетекшілері өткізді.