Бүгін мектебімізде 10 қыркүйек күні «ХХІ ғасырдағы Қазақстандық ата-аналардың «Өз балаңа үлгі бол!» тақырыбындағы Республикалық Конференциясының аясында «Бірінші сынып оқушыларының ата-аналарына психологиялық-педагогикалық көмек» атты республикалық ата-аналар конференциясы өтті. Конференциясының міндеті жалпы мектеп пен отбасы арасында ынтымақтастықтың берік іргетасын қалауы болып табылады. Жиналысқа қатысқан қаламыздың № 4, 17, 21, 24, 37 мектеп ата-аналардың саны 309 құрады. Сонымен қоса, өз қалауларымен келген мұғалімдер саны 56-дан асты.Шараның қонағы ретінде ББУҚШО әдіскері Әсемгүл Ермекқызы Мерканова қатысты.
Мектеп табалдырығын атт
ау баланың өмірін айтарлықтай өзгертеді. Балаға жаңа жағдайға бейімделуге қалай көмектесу керек? Неліктен балада қиындықтар туындауы мүмкін? Осындай және де басқа да сұрақтар төңірегінде конференцияда жан-жақты талқыланды. Оқу үрдісіне бейімделу кезінде балаларға көңіл бөлу керек. Балалар мектепке барып жұрген кезде үрейленіп, қорқуы да мүмкін. Сондықтан, біздің басты мақсат – балалар мен ата-аналарға кеңес беріп, қолдау көрсету.
Шара барысында тәжірибелік бөлімді жүргізген психолог Назымгүл Бейсенбайқызы Идрисова ата-аналарға «Бірінші сынып оқушыларының ата аналарына психологиялық педагогикалық көмек» атты баяндама оқыды. Сонымен қатар, Отбасылық Тәрбиелеу Институтының тапсырысы бойынша арнайы дайындалған бейнероликтер көрсетілді.
Психологтар жиналған ата-аналарға психологиялық көмек көрсету мақсатын
да презентацияларды ұтымды пайдаланып, ата-аналардың ризашылығына иеленді. Ата-аналар психолог-мамандар мен тәжірибелі педогогтардың ақыл-кеңесін тыңдады. Әсіресе, балалармен жұмыс жүргізуде неге көңіл бөліп, неден тартыну қажеттігі әңгіменің өзегіне айналды.
«Шыны керек, қазіргі уақытта ата-ана мен бала арасындағы қатынас күрделеніп барады. Бүгінгі буынның қызығушылығы да өзгерген. Сондықтан бұл жерде арнайы мамандардың көмегі ауадай қажет. Бүгінгі конференцияда әр ата-ана өздеріне мол мағлұмат алды деп ойлаймын», - дейді Ақмарал Сыздыкова есімді ата-ана.
№37 ЖОББМ
Б.Қ. Базен
