Бүгін мектебіміздің математика пәнінің мұғалімі Шаймұратқызы Жаңанұр 6 «В» сыныбында математика пәнінен ашық сабақ өткізді. Сабақтың тақырыбы: «Сан аралығы». Сабақтың мақсаты – оқушыларға сан аралығының белгіленуін және оқылуын үйрету. Сабақтың барысында оқушылар мозайка арқылы төрт топқа бөлінді. Топтың атаулары «Сәуле» , «Интервал», «Жартылай интервал», «Кесінді». Әрбір топ сабақтың тақырыбын сөзжұмбақ арқылы ашты.Жаңа тақырыпты меңгеру барысында, топтар постер арқылы жаңа тақырыпты талдады.Топ басшылары бағалау парағына өз тобының мүшелерін бағалап отырды. Оқушылар қызығушылықпен сабаққа қатысты және еңбектері сәйкесінше жақсы бағалады. Ашық сабаққа қатысқан мұғалімдер мен әкімшілік тарапынан да сабақтың өткізілуіне оң баға берілді.