2017 жылғы 1 маусым күні Павлодар қаласының жағажайында 1 маусым балаларды қорғау күніне орай Республикалық шеру өтті. Шеруге қатысуға Павлодар облысының аудан, қалаларынан, облыс орталығындағы алдынғы қатарлы, нәтижелі көрсеткішке ие болған мектептері таңдалды. Аталған шараға №37 жалпы орта білім беру мектебінің 100 оқушысы сәнді де көз тартар ұлттық киіммен шығып, өз өнерлерін көрсетті. Бұл шеруге балалар жарты жыл бұрын аса зор жауапкершілікпен дайындалды. Шара өте жоғары деңгейде өтті және қала тұрғындарына ұмытылмас қуаныш сыйлады.Қатысқан оқушылар мен дайындаған мұғалімдерге зор алғыс білдіреміз.