Қазіргі заман талабына сай ой-өрісі кең, ақыл-ойы дамыған ұрпақ тәрбиелеу аса маңызды міндеті қойылып отыр. Тәрбиенің де, білімнің де негізі бастауыш сыныптарда беріледі. Баланы тәрбиелеуде біз ең бірінші қандай әдісті қолданатынымыз айтпасақ та түсінікті. Ең алдымен ойындар. Ойындардың негізгі мақсаты - баланы жан-жақты дамыту. Баланың зейінін, сөздік қорын, байқампаздығын, есте сақтау, қабылдауын дамыту, икемділікті арттыру, өзінің жеке құрбыларының іс-әрекетін бағалай, құрметтей, өз ісінің дұрыстығын дәлелдей білуін анықтау. Оқушылардың күзгі демалыс уақытын ұтымды ұйымдастыру мақсатында №37 мектептің 2-сыныптар арасында «Ойна да, ойла!» атты сыныптан тыс іс-шара өтті. Балалар топтарға бөлініп, әркім өздерінің бар білетіндерін ортаға жайып салды. Тапсырмалардың көлемді, қызықты, тартымды болғандығынан ба, уақыттың қалай өткенін сезбеген балалар қабілетті, білімді екендерін көрсете білді. Оқушылардың алған білімдерін тиянақтау, топтар бойынша сайыс өткізу, шапшаңдыққа жинақтылыққа тәрбиелеу, ақыл - ойын дамыту мақсатында осындай сыныптан тыс жұмыстар жиі өткізу керектігін өз әріптестеріме ұсыныс ретінде айтқым келеді.
 

Бастауыш сынып мұғалімі:
Н.Т.Мазанова.