Жаңа жылдық мереке қарсаңында, оқушыларымыз тәрбие сағаттарында сыныпты безендіру мақсатында өз қолдарымен жаңа жылдық безендірулер жасауда. Тәрбие сағатының мақсаты - оқушының ісмерлік дағдысын қалыптастырып, ұқыптылыққа үйрету, топтық жұмысқа дағдыландыру.
   Тәрбие сағаты барысында мұғалім безендіру үшін қажетті бұйымдар дайындау ретін түсіндіреді. Балаларға жұмыс барысында көмек көрсетіліп, жұмысты ұқыпты жасауы бақыланды. Жұмыс аяқталғаннан кейін балалар еңбегін талдап, жұмыс нәтижелерін үйлесімді орнатумен сынып әсем безендірілді. Еңбектерінің нәтижесі оқушыларға да көтеріңкі көңіл күй сыйлады.