Бүгін мектебіміздің «Жұлдызың жана берсін!» атты студиясында өңірімізді «Жамайка» әнімен таңқалдырған талант иесі Сағыныш Әбілқайыр қонақта болды. Жас талант мектеп оқушыларымен кездесіп, оқушылар тарапынан қойылған сұрақтарға ойланбастан жауап берді. Өзінің өнер жолындағы қызықты оқиғаларымен бөлісіп, оқушылардың ыстық ықыласына бөленді. Репертуарындағы жүлделі орындарға ие болған тамаша әндерімен көрермендерді қуанышқа кенелтті. Өнер жолындағы жетекшісі, мектебіміздің аяулы ұстазы Гауһар Әбдікешқызы шәкіртінің Республикалық және халықаралық конкурстарда алған жүлделі орындарын мақтанышпен жеткізді. Кездесу соңы мектеп директоры Л.Б. Жүсіпованың естелік сөздерімен және жас талантқа арналған жақсы тілекпен аяқталды.