Республикалық «Өнеге» Интеллекті дамыту орталығының ұйымдастыруымен 2018 жылдың сәуір айының 5 мен 20 күндері аралығында өткен «Үздік ғылыми жоба» байқауына №37 мектептің бастауыш сынып оқушылары қатысып, жүлделі орындарға ие болды. Атап айтсақ, № 37 жалпы орта білім беру мектебінің 3 а сынып оқушысы Жиенбек Бексұлтан Ғаниұлы І дәрежелі және Оразтай Аружан ІІ дәрежелі диплом иеленіп, сол сияқты, № 37 жалпы орта білім беру мектебінің 4 а сынып оқушылары Гросс Арнат пен Тати Назым да аталған сын байқауында І дәрежелі дипломдармен марапатталды. Балалардың ғылымға бет бұрып, өздігінен қызығушылық танытқан тақырыптарын аша білулеріне ықпал етуші жетекшілері Гүлбаршын Шарипқызы Досмағамбетова мен Кульям Габдувалиқызы Смағұлова ерен еңбектері үшін Алғыс хатпен марапатталды.