23 ақпанда шет тілдері апталығы кезінде неміс тілін оқитын гимназиялық сыныптарда «musik+X»деп аталатын плакат көрмесі ұйымдастырылды. Оның ұйымдастырушысы Гете-Институт тілдер орталығы.

Саяхат кезінде оқушылар Германиядағы POP“, „HipHop“, „INDIE“, „TECHNO“ деп аталатын музыкалық бағыттармен танысты. Бұндағы ерекшелік оқушылар тек қана көрермен ғана емес, өздері музыкалық бағыт бойынша өнер көрсетті. Балалар кіші топтарға бөлінді, жұптар әртүрлі сұрақ берілген тапсырмалар алды, жауабын плакаттардан қарап табу керек болды.

Тапсырма орындау барысында оқушылар POP-музыка табынушылары фанаттарының бөлмесі қандай болатынын көрді, неміс халқының неше пайызы осындай музыканы тыңдайтынын білді, әйгілі топтардың атын естіді, „INDIE“ деген сөздің мағынасын түсінді, осы бағыт үшін қандай аспап керек екенін, сонымен қатар олардың киім стиліне де назар салды.

Барлық оқушылар тапсырмаларды жақсы орындады. Оларға «Сіздерге ұнады ма?» деп сұрақ қойғанда бәрі бірден «ИА» деп жауап берді.