Халықаралық «Қазақ тілі» қоғамының облыстық филиалының 25 жылдығына орайластырылған апталық шеңберінде 09.12.2015ж. ІV«Е» сыныбында «Өнер алды-қызыл тіл»тақырыбына ашық сабақ өтті.Мақсаты: мемлекеттік тілдің мәртебесі мен маңызын насихаттау,оқушының қазақ тіл білімінен білім деңгейін көтеру,ауызекі сөйлеу дағдыларын арттыру. Балалар екі топқа бөлініп,ұйымдасқан түрде жұмыс істеді.Оқушылар сабақтың түрлі кезеңінде,әсіресе,«Кім шешен»,«Бәйге»ойындарында асқан белсенділік танытты.Сабақ барысында түрлі әдіс-тәсілдер қолданылды.Ән тыңдау,видеоролик тамашалау кезеңдері балаларды қызықтырып,өз ойларын жеткізуге жетеледі. Қорытынды кезеңде оқушылар«Өнер алды-қызыл тіл» тақырыбы бойынша бірқатар сұрақтарға еш қиындықсыз жауап беріп,шағын әңгіме құрастырды. Мұғалім: Сейтқазина А.М.