2018 жылдың қаңтардың 31 күні №2 жалпы орта білім беру мектебінде «Жарқын болашақ» олимпиадасының қалалық кезеңі өтті. Бұл олимпиадаға 120-дан астам мектеп оқушылары 5 номинация бойынша білімдерін сынады. Атап айтсақ, 1. Тілші-әдебиетшілер; 2. Сөз шебері; 3. Жас ғалымдар; 4. Бұлбұл әншілер; 5. Жазушылар. Сайыс өте қызу өтті. 40 оқушы бес номинация бойынша грамоталармен марапатталды.
Біздің №39 орта мектеп те мұндай сайыстардан қалыс қалған емес. Осы жолы да «Сөз шебері» номинациясы бойынша 8 «А» сынып оқушысы Егінбай Аяжан 3 жүлделі орын грамотасына ие болды. Жүзден жүйрік озып шыққан Аяжанды осы жетістігімен құттықтап, алда алар асулары алда екендігіне сенім білдіреміз. Болашағың жарқын болсын! «Жарқын болашақ» олимпиадасына шыңдаған қазақ тілі мұғалімі Бақтылы Қиманқызы Мұқышоваға да шығармашылық табыс тілейміз.
Қазақ тілі әдістемелік бірлестігі