1 маусым күні «Жаз - 2017» атты мерекелік бағдарламамен К. Макпалеев атындағы №4 жалпы орта білім беру мектебі балаларды құттықтап, лагерьдің ашылу салтанатына орай мерекелік концерт ұйымдастырылды. Биылғы жылғы лагеріміздің атауы «Экспо -  балалар көзімен». Мерекелік шараның ұйымдастырылуында оқушылар ән айтып, би билеп, әртүрлі ойындар ойнады. Бастауыш сынып оқушыларына «Бақытты балалық шақ» суреттер сайысы ұйымдастырылды. Мерекелік шараға Павлодар қалалық маслихаттың депутаты Самал Оспановна Айтказина қонаққа келді. Сонымен қоса, бұл күні балалар қалалық футбол ойындарына қатысып, спорттық эстафеталарда да өздерін көрсете білді. Мереке қызықты флешмобпен аяқталды. Мерекелік іс-шараның көңілді өтуіне қонаққа шақырылған қызықты сайқымазақтың еңбегі зор болды. Балалар қимастықпен қоштасып, онымен суретке де  түсті.