22 қараша күні ағылшын тілі апталығы аясында мектепте «Jeopardy» интеллектуалды ойыны өтті. Ойынға 11 сынып оқушылары қатысты. Ойын интерактивті мультимедиялық викторина түрінде өтті. Оның барысында қатысушылар үш командаға бөлініп, «Технология», «Спорт», «Жануарлар», «Әдебиет», «Тағам» және «Грамматика» салалары бойынша сұрақтарға жауап берді: Сұрақтың күрделілігіне қарай дұрыс жауап үшін 100-ден 500-ге дейін ұпайлар саны берілді.
Іс-шара білім алушылардың ой-өрісін кеңейтуге, олардың тілдік құзыреттілігін арттыруға, сондай-ақ ағылшын тілін меңгеруге бағытталған.
Ойынға қатысушылар оның қызықты форматы мен танымдық аспектісін атап өтті.
Қатысушылар өз пікірлерін ағылшын тілінде білдірді.