Мамыр айы біз үшін көңілді де қызықты өтіп барады. Қазақ тілі мұғалімдері Усенова Қаламқас Сматқызы мен Макеева Айнаш Қалелқызы ең алдымен бізді Мәшһір Жүсіп атындағы мешітке апарды. Бізді қарсы алған мешіт қызметкері барлық бөлмелерді көрсетіп, өте маңызды әңгіме жүргізді. Келесі аптада соборға бардық. Онда да бізді жақсы қарсы алды. Ауа райы керемет болғандықтан, біз жағажайда біраз қыдырдық. Содан кейін Восточный ықшамаудандағы «Грек-католикалық» шіркеуге серуен жасадық. Сол күні оның қасына монастырь салынуы басталды. Біз тағы да жылы лебізбен қарсы алындық.

   Біздің қаламызға Семейден ұлы Абайдың мұражайы келгенін естіп, одан да тыс қалған жоқпыз. Мамырдың 17-сі күні Қаламқас Сматқызымен Бұһар жырау атындағы мұражайға бардық. Өз көзімізбен ақынның қалта сағатын, раритет кітаптарды тағы басқа қызықты заттарды көрдік.

  Мешіт, шіркеулер қызметкерлеріне, музей қызметкерлері Оксана Александровна, Гульмира Сағадатовна және біздің мұғалімдерімізге зор алғысымызды білдіреміз.

№ 5 ЖОББМ-нің 10 «А», «Б» сынып оқушылары