Адамның сүйікті қаласы – бұл оның туып өскен , балалық шағы өткен жері. Адам қанша жасқа келсе де, ол өзінің балалық шағында болған оқиғаларды есінде сақтап жүреді. Солтүстік Қазақстанның ең үлкен қалаларының бірі – Павлодар туралы бізге мектеп кітапханашы Г.Ж.Ешова әңгімелеп берді. «Өз тарихынды, өз еліңді – сүй, таны, біл» атты әңгіме-диалог мектеп кітапханасында өткізілді. Бұл шара өлкетану жұмысы аясында жоспарланған жұмыс еді. Павлодар қаласының тарихы, қала атының шығу тарихы, халық саны, қаладағы кәсіпорындар туралы, зауыттар, фабрикалар туралы оқушыларға кітапханашы баяндап берді. Сонымен қатар қаланың мәдени орталықтары туралы: мұражайлар, театр және кинотеатр, сонымен қатар қаламыздың атақты адамдары туралы. Шара барысында оқушылар назарына Павлодар қаласы туралы фильм-презентация ұсынылды. Ал бекіту мақсатында оқушылар үшін викторина өткізілді.