«Жеке тұлғаға бағытталған » технология бойынша қалалық бапкер №5 жалпы орта білім беру мектебінің бастауыш сынып мұғалімі Толеухан Бақытгүл Толеуханқызы «Жтб » технология бойынша және деңгейлік курсы бойынша қала деңгейінде семинар – практикум өткізді. Семинар – практикумға аталмыш технология бойынша қалалық бапкерлер және №2, №5, №25, №35, жалы орта білім беру мектептері мен Кенжекөл жалпы орта білім беру мектебінің ұстаздары қатысты. Семинарда бапкер алдымен «Жеке тұлғаға бағытталған » технологиясын жеті модульмен байланыстырып, яғни деңгейлік курспен ұштастыра құрастырылған «Зат есімнің септелуі» тақырыбында ашық сабақ көрсетіп, шығармашылық шеберханасымен, жұмыс тәжірибесімен бөлісті. Қала ұстаздары өткізілген семинар мен ашық сабақтан өздеріне қажетті мәліметтер мен ақпараттар алғандары үшін алғыс білдіріп, аталмыш технологияны Бақытгүл Толеуханқызының жақсы меңгергенін,деңгейлік курсты оқып тамамдаған соң оны технологиямен байланыстырып, практикада жақсы қолдана алғанын айтты.