Мектебімізде 2018 жылдың 10 сәуір күні қазақ тілі мен әдебиеті пәндер апталығының жоспарына сай « Латын әліпбиіне көшу – заман талабы» атты дөңгелек үстел болып өтті. Бүгінгі күннің өзекті мәселесіне айналып, жалпы жұртшылықты толғандырып жүрген осы мәселе жөнінде Павлодар педагогикалық университеттің оқытушысы филология ғылымдарының кандидаты Гүлназ Төкенқызы оқушылармен ой бөлісті.
Тарихы терең бұл әліпбидің қайдан бастау алатыны, қай елдерде қолданыста бар екендігі, осы әліпбиге көшу жағдайы туралы көп ойлар ортаға салынып, жауабын таппай жүрген сауалдарына жауап алып, үлкен өнегелі отырыс болды. Білім беру саласының уақыт алға жылжыған сайын талабы мен талғамы өзгеріп отыруы заңдылық, ендеше сол көштен қалмау – біздің міндетіміз. Болашағымыздың жарқын да жайлы болуы үшін жаңалықтың жаршысы болып, ұрпағымызды қоғамның бір тұлғасы етіп тәрбиелеу – біздердің, ұстаздар қауымының, басты міндеті болмақ.

Бигул Оразбаева