«Рухани жаңғыру» Мемлекеттік бағдарламасын жүзеге асыру аясында «Павлодар қаласының № 20 лицей-мектебі» ММ ИнЕУ техникалық кітапханасымен тығыз байланыс орнатқан. Сондай іс-шараның бірі - 2018 жылдың 14 ақпанында «Қайнар» ІІ Халықаралық Өнер фестивалі. Көрмеде біздің өлкеміздің белгілі суретшілерінің шығармалары түрлі жанрда және студенттер мен оқытушылардың жұмыстары кеңінен көрсетілген. Іс-шара Павлодар облысының мерей тойына орай ұйымдастырылған.
  Салтанатты ашылуында «Павлодар қаласының № 20 лицей-мектебі»ММ оқушылары белсенділік танытты. Олар павлодарлық ақындар Павел Васильевтің, Василий Луковтың, Арман Қанидің өлеңдерін мақышына келтіре оқыды.9-сынып оқушысы Асанали Тукаев Павел Васильевтің «Түйе» өлеңін ерекше сезіммен оқып,үлкен қошеметке ие болды. Мұндай іс-шаралар ересектер мен балалардың бойында шын патриотизмді тәрбиелейді, қазақ даласына, туған жеріне, Ертіске деген махаббаттарын оятады.