26 наурызда №20 лицей-мектебінде Zoom сервисін апробациялау мақсатында онлайн конференция өтті, оған мектеп әкімшілігі мен педагогтар қатысты. Ал 27 наурызда онлайн конференция   8-11 сынып оқушылары  және  әкімшіліктің қатысуымен  өткізілді. Екі күнгі  табысты еңбек Zoom сервисі хостинг үшін және жоғары форматта бейне конференция жүргізуге өте қолайлы екенін көрсетті. Лицей-мектебінің педагогтары мен оқушылары  қашықтықтан жұмыс істеу форматына дайын:компьютермен  қамтамасыз етілген, Интернет  желісі қол жетімді.Екі күндік онлайн конференция   барысында педагогтар мен оқушыларға «Балапан», «Ел-Арна» арналарынан  жүргізілетін бейне сабақтар, бейнехостинг және білім беру Интернет ресурстары, Kundelik.kz  электронды журналына орналастырылатын бейне сабақтар, үй тапсырмалары мен кері байланысты жүзеге асыру туралы  ақпараттар  ұсынылды. Сол сияқты оқушыларға  карантин кезінде COVID-19 коронавирус инфекциясын алдын алу шаралары туралы ескертулер жасалды.