«Ынтымағы жарасқан, туған өлкем» облыстық конкурсына жолдама алдық! «Мың бала» республикалық мәдени-ағартушылық жобасының аясында біздің мектептің өзге ұлт өкілдерінің 6-9-шы сынып оқушылары «Ынтымағы жарасқан, туған өлкем» қалалық конкурсына белсенді қатысты. Аз уақыт арасында мемлекеттік тілді білген оқушылар конкурстың бағдарламасы бойынша өздерінің дарындылық, шығармашылық ерекшеліктерін көрсете білді. Осы байқауда қатысқан оқушылардың ішінен 7 «Д» сынып оқушысы Ирина Соколова алғырлығымен әділ қазылардың жоғарғы бағасына ие болды. Бұл оқушымыз болашақта мемлекеттік тілді толық игеруді алдына мақсат қойып отыр. Қалған оқушылар да мемлекеттік тіліміздің нағыз білгірі болып, тілді білушілердің санын көбейте бермек.