2021 жылғы 15 наурызда Павлодар қ. №24 ЖОМ КММ-де «Ерекше білім беру қажеттіліктері бар балалардың жеке қызмет түрлері мен дамыту бағдарламаларын қолдану» тақырыбында қалалық семинары өтті.

Семинардың мақсаты - №24 ЖОМ мұғалімдердің ерекше білім беру қабілеттері бар балалармен жұмыс тәжірибесімен танысу және тарату. Семинарға педагогтер, психологтар, әлеуметтік педагогтер, логопедтер қатысты.

Семинардың жұмысына 100 педагог қатысты, аталған тақырыпты талқылау үшін зумға кірудің үш сессиясы ұйымдастырылды. Тақырыптың өзектілігі ЕБҚ бар білім алушыларды оқыту жүйесіндегі инклюзия басымдылығымен айқындалады. Семинар аясында ЕБҚ бар балалармен жүргізілетін түзету-дамыту жұмыстарының теориялық және тәжірибелік аспектілері қаралды. Семинардың материалдары №24 ЖОМ мұғалімдерінің жұмыс тәжірибесін жалпылау мақсатында Павлодар қаласының барлық мектебіне жіберілді.