19 қараша күні "Көзі көрмейтін және нашар көретін азаматтарға арналған облыстық арнайы кітапханасында" Аққулы ауданының тумасы, аудармашы Серік Қинаятұлы Сатыбалдиннің "Табиғат - тіршілік тірегі" атты өлеңдер мен ертегілер жинағының тұсаукесері өтті. Мектебіміздің 2 "А" сынып оқушылары аталмыш шараға қатысып келді. Кітапхана қызметкерлері оқушыларды Серік Қинаятұлының өмірі мен шығармашылығымен кеңінен таныстырды. Оқушылар аудармашының "Арыстан", "Суыр", "Ақ қайың", "Емен" атты өлеңдерін жатқа айтып берді. Серік Қинаятұлы балаларды кітаппен дос болуға шақырып, ізгі тілектерін білдірді.